Invitamos a todas as artistas, bandas, DJ e produtores musicais, cineastas, especialistas da industria e visionarias a presentar as súas propostas.
Berlín / A Coruña, 7 de febreiro de 2023. Os organizadores de WOMEX, Piranha Arts e Nordesía Producións, socio local este ano, abriron a convocatoria anual de propostas para a 29ª edición de WOMEX que terá lugar na Coruña do 25 ao 29 de outubro de 2023.
Esta convocatoria de propostas de WOMEX diríxese a todas as persoas que se dedican á musica, cineastas e profesionais do sector de todo o mundo. O programa oficial selecciónase, a partir de todas as candidaturas recibidas, por un xurado independente internacional, que muda cada ano, tamén coñecido coma os “Sete samurais” ou “Seven Samurai” (en breve anunciarase a composición do xurado deste ano).
As propostas poden facerse en catro categorías diferentes:
E pódense enviar desde o sitio web específico: www.womex-apply.com
A data límite para o envío de propostas para WOMEX 23 é o venres 17 de marzo. Womex dálle a benvida a propostas de todas as orixes e alenta as presentacións, especialmente aquelas que contribúen a incrementar a diversidade da escena musical internacional, xa sexa diversidade de cultura, rexión, xénero, estilos, tradición da interpretación e outras.
WOMEX é o encontro máis importante da escena musical mundial e o máis diverso de cantos se celebran. O seu espectro musical non ten parangón no mercado internacional de espectáculos, e vai desde o máis tradicional ata o novo underground local global, abarcando culturas folk, de raíz, locais e da diáspora, así como sons urbanos e electrónicos de todo o mundo.