24 de febreiro | Auditorio Mar de Vigo
A musa do fado contemporáneo que está a reinventar o “blues portugués” mesturando a súa intensidade emocional con ritmos como o kizomba, a samba ou o trap, e que cantou con Prince, os Rolling Stones, Caetano Veloso ou Gilberto Gil, chega a Vigo co seu novo traballo, Casa Guilhermina, no que será o concerto de presentación en España.
Casa Guilhermina é o sétimo álbum da carreira sen igual da artista portuguesa que imprime nel a marca persoal da súa arte: liberdade, creatividade e unha nova visión do camiño percorrido, onde a tradición e a alma atemporal do fado van da man da modernidade. Unha ollada cara o futuro coa ansia de quen sabe que ten algo novo e distinto que transmitir. O son de Ana Moura é do da pura expresión, sen barreiras ou xéneros, porque a liberdade máis xenuína non cabe dentro dun único xénero, non ten só unha cadencia, faise de moitas linguaxes e ideas.
ORGANIZA
PATROCINA
COLABORAN
