Música e cancións, textos teatrais e tecnoloxías vangardistas fusiónanse neste singular espectáculo de poética sorprendente
Baixo a dirección teatral de Pepe Miravete, esta coprodución do Complejo Teatral de Bos Aires onde se estreou, chega agora a Ferrol. Albert Pla actuará no Teatro Jofre o próximo venres 28 de xaneiro, nunha actuación a non perder, considerada pola crítica unha das mellores obras do polifacético artista catalán. Vestido coa xa clásica túnica e botas de auga, desta vez o intérprete acompáñase dunha impactante posta en escena, baseada en tecnoloxías visuais de vangarda.
Tan inclasificable coma o propio Pla, MIEDO 2.0 fusiona música composta xunto con Raül Refree, con performance, pezas teatrais e un impresionante video mapping do estudio nueveojos con deseño de arte do colectivo arxentino Mondongo –integrado por Juliana Laffitte e Manuel Mendanha–, que conseguirá meter o público en escena nunha experiencia poética sorprendente e liberadora.
En MIEDO 2.0, Albert Pla introdúcese e afonda nos medos que nos acompañan desde a infancia e desenvólveo apoiándose na imaxinaría dos contos e desas personaxes que nos fan experimentar os primeiros Temores. Medos que irán cambiando, pero que nos acompañarán até a nosa morte e que van conformando o noso patrón de conduta.
Coa intención de axudarnos a aceptar que debemos convivir con eles, como primeiro paso para superalos, en MIEDO 2.0 Pla invítanos a realizar un repaso cargado de humor negro, ironía e sátira polos terrores humanos máis íntimos, aqueles que bloquean as nosas metas e trastornan o noso día a día, acompañando o seu impecable monólogo dunha excelente escenografía audiovisual.
Ficha técnica:
Idea e interpretación: Albert Pla. Diseño de arte: Mondongo. Audiovisuales: Nueveojos. Coordinación de produción: Pedro Páramo e Diana Glusberg. Coordinación de produción (CTBA): Natalia Uccello. Asistencia de dirección (CTBA): Rosana Rodríguez, Daniela Sitnisky e Jeremias Sapire. Dirección técnica da compañía: Xavier Gibert. Deseño de son: Kei Macias. Deseño e posprodución de son: Judith Farres. Iluminación da compañía: Russo. Escenografía: Cube.bz. Música e cancións: Albert Pla e Raül “Refree” Dirección: Pepe Miravete.
