- Unindo ritmos como o folclore galego, o fado, a habanera cubana ou o reggaetón, A Pedreira presenta o videoclip do seu segundo single, lanzado o 23 de abril.
Coa política como punto de partida como arte de crear sociedade e tecer redes, xestionar o conflito e expresalo dun xeito íntimo e social; A Pedreira lanza o videoclip de «Se me apuras», o segundo adianto do que será «BASAL», o novo disco dunha das voces máis impoñentes da música popular galega, despois de que hai apenas unhas semanas mostrara «Soltar», o primeiro adianto.
Unha canción que parte dunha canción de autor absolutamente transversal: recollendo xestos que van dende a «Rianxeira» galega ata a «Estrela d’Alva» de Zeca Afonso, guiños ao fado e habaneras cubanos e mesmo licenzas que o achegan a un reguetón. Aroma brasileiro orgánico; e no que este referente da vangarda cultural galega actúa como medio para dar a luz un canto cheo de cores e ingredientes diversos.
A canción é, en realidade, un manifesto global da unión cultural e da mobilidade á que o pobo galego leva décadas (ou séculos) afeito; pero tamén é case un manifesto de que o máis íntimo e persoal tamén é político.
«Se me apuras tudo pais é aldeia, tudo estado família, tuda casa nação”. Este estribilho nasce duma conversa de WhatsApp entre amigas, Uxía e máis eu, rememorando a Florita, unha amiga madrileña de miña avoa que foi refuxiada durante a Guerra Civil nesta casa patrucial da familia. Florita sempre levaba unha bandeira republicana no sostén, lembrando pai e irmao asasinados polo franquismo.
– A Pedreira.
A Pedreira resultou seleccionada finalista na 11ª edición dos Premios Martín Códax da Música, dentro da categoría Canción de Autor/a, xunto a outras das voces femininas máis recoñecidas do sector cultural: Guadi Galego e Antía Muíño.
