O grupo musical BERROGÜETTO acadou a nominación como finalista dos premios GRAMMY LATINO 2002 na categoría de Mellor Álbum de Música Folk co seu último traballo discográfico "HEPTA".
O grupo de folk galego máis importante dos últimos anos volta con esta nominación a amosar a súa capacidade para optar e acadar diferentes premios musicais que confirman a aceptación que por parte do público e crítica veñen recibindo ano tras ano.

A entrega de premios terá lugar o próximo 18 de Setembro, no Kodak Theatre de Hollywood, California.
Premios / Nominacións acadadas polo grupo:
  • Finalista do Premio GRAMMY LATINO 2002 na categoría de Mellor Álbum de Música Folk.
  • Premio "OPINIÓN" ao Mellor Disco Folk do Ano 2001.
  • Finalista na Sexta Edición dos Premios da Música 2001, concedidos pola Academia das Artes e as Ciencias da Música, na categoría de Mellor Álbum en Galego.
  • Premio "LUAR" na categoría de Mellor Álbum Folk do ano 1999.
  • Premio "AGAPI" á Mellor Banda Sonora da película "A Rosa de Pedra" dirixida por Manuel Palacios no ano 1999.
  • Premio "Eiserner Eversteiner" no ano 1998 concedido ao Mellor Grupo Europeo de Folk, concedido pola Asociación Alemana de World Music "Profolk".
  • Premio da Crítica Alemana ano 1997, outorgado polos xornalistas especializados do país.
  • Premio "IDEAL" ao Grupo Revelación Galego do ano 1997.
Para máis información ou entrevistas contactade con Nordesía Produccións
teléfono 981 555930 ou info@nordesia.com
Web RealPlayer Streaming Ampliar