A voz de Dulce Pontes non coñece fronteiras. Rock, fado ou música africana teñen adquirido trazos singulares na voz desta artista. Nacida en Montijo (Portugal) no ano 1969, desde hai máis dunha década Dulce Pontes percorre os escenarios de todo o mundo mergullándose nas raíces da música portuguesa. Co seu último espectaculo "Por dentro do Fado" fíxose merecedora do Premio Tenco, concedido en Italia e que anteriormente xa recibiran artistas como Caetano Veloso, Jacques Brel, Ute Lemper ou Tom Waits.

Comezou cantando en anuncios publicitarios pero axiña amosou que era moito máis que un reclamo para vender. No ano 1991 representa a Portugal en Eurovisión. Desde aquel momento, comeza a traballar no fado, sendo a súa contribución fundamental na reivención do mesmo. En 1992 publica Lusitanz a posteriormente chegaría Lágrimas. Seguen o doble album en directo A Brisa do Coraçao (1995) e Caminhos (1996). Realiza colaboracións con Andrea Bocelli ou Caetano Veloso, publica O Primeiro Canto con colaboracións como a do percusionista hindú Trilok Gurtu, o saxofonista Wayne Shorter, a cantante María Joao ou o acordeonista Kepa Junkera.

No ano 2003 sorprende coas interpretacións de temas do gran compositor Ennio Morricone, que intervén na gravacion de Focus Morricone & Dulce Pontes. Xa cun prestixio e repercusión internacionais que a convirten nunha voz universal, Dulce Pontes retorna, a partir de 2004, co espectaculo Por dentro do fado ao xénero co que triunfou e avanza o que será o seu próximo disco, cuia publicación está prevista para o 2006.