The James Taylor Quartet directo en Santiago
Sala Capitol, Xoves 21 de abril, 22:00 h.
Entradas: 15 euros anticipada en Discos Gong e Casa das Crechas (Santiago de Compostela), Honky Tonk (Vigo) e Noni Shop (A Coruña). 18 euros (taquilla)
A cultura de clube e a explosión do órgano Hammond chegan a Santiago de Compostela. O vindeiro xoves 21 de abril ás 22:00 The James Taylor Quartet convertirá a Sala Capitol nunha desenfreada pista de baile. O cerne do directo: o seu último disco, The Oscillator. As entradas do concerto, organizado por Nordesía Produccións, custan 15 euros anticipada, e 18 en taquilla e pódense mercar en Santiago, Vigo e A Coruña.

Para entender a música de clube británica con raiz negra é imprescindible con esta formación: The James Taylor Quartet. Xa van alá dezaoito anos desde o primeiro traballo desta formación, un EP titulado Mission Impossible, no que sentaban as bases da súa traxectoria posterior. Explosión funk, acid jazz e groove máis alá dos circuitos especializados. The James Taylor Quartet fíxose merecedor axiña dun enorme prestixio no seu directo.

Ex integrante do grupo post punk The Prisoners, referente na escena mod e impulsor do acid jazz, James Taylor consagrouse ao hammond a primeira vez que o escoitou. Tanto foi así que a marca converteuse en patrocinadora para pagar así a fidelidade do músico ao modelo B3.

Contemporaneidade e revival danse a man na música de The James Taylor Quartet, cuio último disco titúlase The Oscillator. "Ainda que levo anos facendo discos, esta é a primeira vez que conscientemente observei o que fago, e conseguín plasmar o son que oio na miña cabeza. Máis que usar o leslie cabinet (efecto do órgano Hammond), puxen o Hammond a través dun pequeno amplificador, rebervereino e obtiven unha revelación -soaba distorsionado, saturado, incriblemente intenso, absolutamente o que quería".

The Oscillator espalla un amplo abano de influencias musicais. Esencia de The James Taylor Quartet no que para algúns é o uso e abuso máis grande do hammond que se poda escoitar. Se alguén calificou algunha vez a este músico de "retro", a el semella non molestarlle. "A primeira vez que toquei o Hammond xa dixeron que estaba pasado de moda, pero a historia da música e da arte sempre se baseou en achádegos anteriores".

Nos últimos anos James Taylor ten colaborado con músicos como U2 e Manic Street Preachers, participado no album Reload co que Tom Jones se mergullou nas pistas de baile e participado na banda sonora da película Austin Powers. O seu gusto pola grande pantalla xa se reflexou no primeiro traballo de The James Taylor Quartet, no que recreaban bandas sonoras de series de cine e TV como Starsky e Hutch, Mrs. Robinson, Harry O Suxo ou Misión Imposible.

Música de baile e explosión funk para unha formación que sobre a base do revival ofrece un traballo contemporáneo que atrapa cada vez a máis público.
    DISCOGRAFÍA:
    • THE OSCILLATOR (2003)
    • ROOM AT THE TOP (2002)
    • A BIGGER PICTURE (1999)
    • PENTHOUSE SUITE (1999)
    • THE BEST OF ACID JAZZ YEARS (1999)
    • WHOLE LOTTA LIVE 1998 (1998)
    • SCORED 1-0 (1996)
    • A FEW USEFUL TIPS ABOUT LIVING UNDERGROUND (1996)
    • IN THE HAND OF INEVITABLE (1995)
    • THE BBC SESSIONS (1995)
    • SUPERNATURAL FEELING (1991)
    • ABSOLUTE JTQ LIVE (1991)
    • DO YOUR OWN THING (1990)
    • GET ORGANIZED (1989)
    • WAIT A MINUTE (1988)
    • MISSION IMPOSSIBLE (1987)
    • THE MONEY SPIDER (1987)