Deambulants. Cataluña. Danza aérea con espectáculos aéreos nos que confluen artistas que levan anos de investigación nas suas diferentes parcelas artísticas e que, integrados en Deambulants, crean un xénero novo na península. Abraian ao público de todos os eventos nos que teñen participado. Pendúranse nas alturas creando coreografías e escenografías arriscadas e sorprendentes transmitindo a quen os observa unha sensación que abala entre o vértigo e a harmonía.

www.deambulants.net

Sienta la cabeza. Brasil-Cataluña. Perruquería Perfomática. Peiteados a ritmos de música onde o público é o protagonista . Unha incursion no mundo da fantasía a través da transformacion estética. A curiosidade do público motiva que se arrisquen a ser "intervidos" por estes artistas do peiteado e da performances. Cor e frescura para o hall do Multiusos, transformando o espazo desde a sua entrada.

www.sientalacabeza.com

Dj Floro Autoridade en música africana e de baile. Responsable de recopilacións de funk-jazz-boogaloo e de electro-latinos. Posué un gusto exquisito á hora de facer mover a pista e a súa música mestiza é demandada en moitas salas. Exerceu de pincha residente da mítica sala madrileña -agora pechada- Suristán. Trátase dun sabio da música de baile cuio punto forte é facer disfrutar trasnformando a pista de baile nun paraiso de sensacións.

Performances, animación e videocriación

Cor. Movemento. Imaxinación. Diferentes artistas convertirán o Multiusos do Sar nun espacio onírico. Soños reais da man de Stress, expertos en levar o glamour aos clubes e grandes eventos. Diversión baseada no seu particular estilo de crear personaxes e atmósferas nocturnas. A constante percura da expresión artística motiva as performances de Pablo Méndez, evolución continua impregnada de calor, dinamismo e forza. Estética pura para comunicarse co público. O imaxinario de Nuits Blanches nútrese de terra e ar, de imaxinación e realidade. Estes saltimbanquis poden estar aquí e acolá espertando a fantasía en todos os recunchos. As videocreacións de Sr. Pause, colectivo centrado na composición visual, son un elemento fundamental para redondear a escenografía lúdica e fantástica do FesTribal 04.