Descubre Un mundo de voces. Voces Con-Soantes, un ciclo co que viaxar descubrindo vibracións, cores, tons, texturas e musicalidades. Convidámosvos a presenciar o espectáculo de Fátima Miranda, artista que coñece a linguaxe do lume e do vento. ArteSonado terá lúgar
O XOVES 18 DE NOVEMBRO ás 21 horas na Aula de Cultura de CAIXAGALICIA (Carreira de Conde, 18)
con entrada libre. É un xogo de espellos musical e visual que revoluciona o canto. Fátima Miranda é a artista das mil voces. Non o podes perder.
Próximamente Gospel Soul 14 de Decembro.

Fátima Miranda. ArteSonado. Axiña descubriu Fátima Miranda o potencial da súa voz e decidiu exploralo en profundidade até as súas máximas consecuencias. Leva máis de vinte anos adicada a investigar sobre a voz e a música vocal, o cal tena impulsado a converter o seu corpo nun instrumento de vento e percusión. Considerada hoxendia a voz das novas músicas españolas, a súa formación inclue a ópera, o canto mongol ou o dhrupad da India.

En ArteSonado, editado en disco, como en todos os espectáculos de Fátima Miranda, todos os sons son naturais, resultado das técnicas vocais desenvolvidas por esta artista. Este concerto-espectaculo integra os universos musical, visual e dramático. Unhas veces a capella e outras acompañada de ricas polifonías que ela mesma construe coa sua voz e que crian a ilusión dun potente acompañamento, Fátima Miranda vai deseñando un espazo escénico no que interactua con proxeccións de video. Estas, lonxe de seren elementos decorativos, conforman espazos virtuais através dos cales a cantante establece unha comunicación co público marcada pola beleza e a poesía.

Licenciada en Historia da Arte, no ano 1979 participa na fundación do grupo improvisador Taller de Música Mundana, no que colabora con Llorenç Barber. Con el crea o grupo de poesía fonética Flatus Vocis Trío, cos que grava dous discos: Opera para papel e Grosso Modo. A finais da década dos oitenta estudia en París coa cantante xaponesa Yumi Nara e aprnede canto difónico mongol. Son anos nos que estudia o canto indio e o bel canto co ánimo de asociar técnicas consideradas incompatíbeis.

Nos anos noventa crea tres concertos-performance só para voz: Las Voces de la Voz, Concierto en canto e ArteSonado. Este último espectáculo, subtitulado "Concierto / acciones poéticas para las voces de Fátima Miranda", é o protagonista do ciclo.

[+ info] web Fátima Miranda

Gospel Soul. A súa mensaxe de paz, tolerancia e amor preside o ambente festivo dos seus concertos nos que interpretan Negro Spirituals & Goslpels tan coñecidos como Swing Low Sweet Chariot, Down by the Riverside ou Oh Happy Day e composicións actuais con ritmos modernos e festivos con traballadas harmonías. Trátase dun cuarteto con piano formado por tres voces femeninas: a soprano Taïra Chanol, orixinaria da Guyana, Rachel Ratsizafy, de Madagascar, e Emma Lamadji, de Centroáfrica, e o barítono Joël Rhino, orixinario de Martinica. Ao piano contan con Rachid Guissous.

A pesar da xuventude de todos eles, posuen unha grande experiencia na escena gospel, unha historia que é tamén a súa herdanza. Tras coincidir nalguns eventos musicais e gravacións, decidiron fundar Gospel Soul, un grupo dotado dunha grande intensidade emocional e musical coa que pretenden transmitir unha mensaxe reconfortante ao público. Gospel é unha palabra que significa "evanxeo" e que serve para denominar un tipo de música nacida no último tercio do século XIX no seo da comunidade negra. Desde aquela, poucos se teñen resistido ao engado deste ritmo cálido e potente que nacido desde as igrexas espállase a todo tipo de escenarios.

Os integrantes de Gospel Soul recollen toda esa tradición coa convicción persoal de que a escena actual precisa máis que nunca da súa mensaxe de paz e esperanza. Cando o "espíritu" se apodera das voces de Gospel Soul, o público entende realmente cal é a forza desta música que pervive ao paso do tempo.

As voces de Gospel Soul:
Taïra Chanol: Nacida na Guyana, chega a París en 1998 e intégrase inmediatamente nun grupo de música urbana onde é a vocalista principal. Grava un album de música tradicional afro-caribeña e únese ao Coro Gospel de París. Formaría parte posteriormente do grupo feminino Blackness e ten posto a súa voz en diversas produccións de músicas actuais.

Rachel Ratsizafy: Os seu estilo vocal fluido ten tanto da música tradicional Malgache como da música Soul. Entra no ano 1995 a formar parte do grupo Black & White Gospel Singers e dela destácase o seu timbre cálido e a súa brillante presencia no escenario.

Enma Lamadji: Cantaba por placer ate que a descubriron para formar parte do grupo Blanquees. Posue unha magnífica voz de contralto que consegue emocionar ao público acadando un abraiante ton ronco. Formouse na escola do blues, soul e da world music.

Joël Rhino: O líder de Gospel Soul acompañou, prácticamente desde o berce, á súa nai aos ensaios da coral da igrexa. Aos trece anos funda un cuarteto masculino con repertorio dos Golden Gate Quartet. No ano 1991 entra a formar parte do grupo Black & White Gospel Singers, cos que grava tres albumes. A súa mestría fai del un director de coro moi solicitado (Gospel Giving Singers, Les Parvis des Arts, Ville de Montpellier, etc). O seu predicamento baséasese nunha voz cálida e potente que o convirte nun solista de primeiro nivel.